Un ano e medio de tortura italiana
626 foron os días
que Óscar Sánchez, un lavacoches natural de Montgat, Barcelona, pasou preso
nunha cárcere italiana debido a unha confusión. Todo comezou no ano 2002, cando
Óscar prestou o seu dni a cambio de cartos para, supostamente, axudar a un
indocumentado. O certo é que este dni foi parar ás mans de Marcelo Roberto
Marín, un uruguaio acusado de suplantacións de identidade e xefe dunha banda de
traficantes de cocaína entre España e Italia.
Nun primeiro xuízo,
Óscar Sánchez foi condenado polo Tribunal de Nápoles a 14 anos de cárcere. E no
segundo xuízo, no que se acusaba ao español de asociación mafiosa, este quedou
absolto por un defecto de forma no proceso xa que se celebrou sen a
autorización da Audiencia Nacional. Aínda que Italia é un Estado soberano e independente
que non ten por qué pedirlle permiso a ningún outro país para someter a xuízo a
un presunto delincuente por un feito delictivo cometido no seu territorio, ben
é certo que tanto España coma Italia pertencen a Unión Europea, polo que ambos
países forman parte do espazo xudicial e policial da UE. Este espazo permite
que un Estado, para poder realizar un xuízo a un presunto delincuente, reclame
doutro dos Estados, mediante unha euro-orden, a entrega do cidadán que queren
poñer ante a súa xustiza. A competencia para efectuar esa entrega correspóndelle
á Audiencia Nacional, que sí deu permiso para que se executara a euro-orde tras
unha mínima investigación, aportando documentación que facían presupoñer que os
indicios sobre os que se sustentaba a acusación non eran suficientes para
manter a detención de Óscar. Pero a lentitude italiana fixo que Óscar se vise
envolto en dous xuízos distintos, en cuxa base se atopa un erro de
identificación, así nolo explica o licenciado en Dereito, Lito García Abad.
Unha vez obtidos os resultados das probas de
foniatría, que demostraban que o español de Sánchez, propio de España, e o de
Marín, latinoamericano, eran diferentes, ou mesmo que o grao de coñecemento de
italiano por parte de Sánchez era escaso, a fiscalía pediu a absolución do
lavacoches español.
Aínda así, Óscar tivo
que pasar 21 meses nuha cárcere italiana, sufrindo ataques físicos coma
queimaduras, golpes; ou mesmo psicolóxicos, xa que o extorsionaban e insultaban
frecuentemente.
A pesar de que xa todo
rematou para Óscar, está en todo o seu dereito de pedir unha indemnización
proporcional aos danos sufridos, xa que é un principio xurídico recoñecido
universalmente que quen produce o dano debe reparalo, tal como sentencia o
psicólogo Francisco Torquati.
No hay comentarios:
Publicar un comentario